ராதாபுரம்:
நெல்லை மாவட்டத்தில் பேரறிஞர் அண்ணா பிறந்த நாள் நேற்று கொண்டாடப்பட்டது. இதையொட்டி ராதாபுரம் அருகே சமூகரங்கபுரத்தில் உள்ள அவரது உருவச்சிலைக்கு மேற்கு ஒன்றிய தி.மு.க. செயலாளர் ஜோசப் பெல்சி தலைமையில் மாலை அணிவித்து மரியாதை செலுத்தி, பொதுமக்களுக்கு இனிப்பு வழங்கினர்.
மாவட்ட கவுன்சிலர் ஜான்ஸ் ரூபா, மாவட்ட பிரதிநிதிகள் சமூகை முரளி, கோவிந்தன், சமூகரங்கபுரம் பஞ்சாயத்து தலைவர் அந்தோணி அருள் உள்பட பலர் கலந்து கொண்டனர்.
அம்பை பூக்கடை பஜாரில் அலங்கரிக்கப்பட்ட அண்ணா உருவப்படத்துக்கு அ.தி.மு.க. அமைப்பு செயலாளர் இசக்கி சுப்பையா எம்.எல்.ஏ. தலைமையில் மாலை அணிவித்து மரியாதை செலுத்தப்பட்டது. அம்பை நகர செயலாளர் அறிவழகன் சேரன்மாதேவி ஒன்றிய செயலாளர் மாரிச்செல்வம், முன்னாள் கவுன்சிலர் சோம செல்லையா உள்பட பலர் கலந்து கொண்டனர்.
பரப்பாடி இலங்குளத்தில் உள்ள நாங்குநேரி கிழக்கு ஒன்றிய தி.மு.க. அலுவலகத்தில் செயலாளர் எஸ்.ஆரோக்கிய எட்வின் மாலை அணிவித்து மரியாதை செலுத்தினார். மாவட்ட வர்த்தக அணி இணை செயலாளர் என்.ஞானராஜ், அவைத்தலைவர் செல்லத்துரை, இளைஞரணி சேர்மப்பாண்டி பங்கேற்றனர்.