பனை மரத்தில் இருந்து தவறி விழுந்த முதியவர் பலி

தூத்துக்குடி மாவட்டம் ஸ்ரீவைகுண்டம் தாலுகா வசவப்பபுரத்தைச் சேர்ந்தவர் வேம்பையா என்ற மணி (வயது 66). பனைமரம் ஏறும் தொழிலாளியான இவர் நேற்று காலை பாளையங்கோட்டை கே.டி.சி. நகர் பகுதியில் உள்ள ஒரு வீட்டில் நின்ற பனை மரத்தை வெட்டி அகற்றும் பணியில் ஈடுபட்டார். அப்போது பனை மரத்தில் ஏறிய மணி எதிர்பாராதவிதமாக தவறி விழுந்தார்.

இதில் பலத்த காயமடைந்த அவரை மீட்டு சிகிச்சைக்காக பாளையங்கோட்டை ஐகிரவுண்டு அரசு ஆஸ்பத்திரிக்கு கொண்டு சென்றனர். அங்கு அவருக்கு தீவிர சிகிச்சை அளிக்கப்பட்டது. ஆனாலும் சிகிச்சை பலனின்றி மணி பரிதாபமாக இறந்தார். இதுகுறித்து பாளையங்கோட்டை போலீசார் வழக்குப்பதிவு செய்து விசாரணை நடத்தி வருகின்றனர்.