தமிழக வூஷூ அசோசியேசன் தலைவராக அலெக்ஸ் அப்பாவு தேர்வு

வள்ளியூர்:

தமிழகத்தின் தென்கோடி வறட்சி பகுதியான ராதாபுரம் தொகுதியிலுள்ள இளஞர்கள் மற்றும் கடற்கரை கிராமப்புறங்களிலுள்ள இளைஞர்களின் விளையாட்டு திறமைகளை வெளி கொண்டு வருவதற்கான பல்வேறு விழிப்புணர்வு பணிகளை ராதாபுரம் அலெக்ஸ் அப்பாவு முன்னெடுத்து வருகிறார்.

அதன் ஒரு பகுதியாக கன்னியாகுமரி மாவட்டம் தக்கலை நூருல்இஸ்லாம் பல்கலைக்கழகத்தில் அகில இந்திய அளவில் நடைபெற்ற வூஷூ போட்டிகளையும், கோவையில் நடைபெற்ற மாநில அளவிலான வூஷூ போட்டிகளையும் முன்னின்று நடத்தினார். தற்போது தமிழக வூஷூ அசோசியேஷன் மாநில தலைவர் தேர்தலில் போட்டியிட்டு வெற்றி பெற்ற ராதாபுரம் அலெக்ஸ் அப்பாவு தமிழக சுற்றுச்சூழல், காலநிலை மாற்றத்துறை மற்றும் இளைஞர் நலன், விளையாட்டு மேம்பாட்டுத்துறை அமைச்சர் சி.வீ.மெய்யநாதனை சென்னையில் சந்தித்து வாழ்த்து பெற்றார். தமிழக வூஷூ அசோசியேஷன் மாநில தலைவர் தேர்தலில் போட்டியிட்டு வெற்றி பெற்ற ராதாபுரம் அலெக்ஸ் அப்பாவுக்கு பல்வேறு தரப்பினர் வாழ்த்துக்களை தெரிவித்து வருகின்றனர்.