கொப்பரைக்கு கூடுதல் விலை

ஆனைமலை

ஆனைமலை ஒழுங்குமுறை விற்பனை கூடத்தில் கொப்பரை தேங் காய் ஏலம் நடைபெற்றது. இதில் 65 விவசாயிகள், 314 மூட்டை கொப்பரையை கொண்டு வந்திருந்தனர்.

பின்னர் அவை தரம் பிரிக்கப்பட்டது. ஏலத்தில் 6 வியாபாரிகள் கலந்து கொண்டனர். ஆனைமலை ஒழுங்குமுறை விற்பனைக்கூட கண்காணிப்பாளர் மணிவாசகம் முன்னிலையில் ஏலம் நடைபெற்றது.

170 மூட்டை முதல் ரக கொப்பரை கிலோ ஒன்றுக்கு 71 ரூபாய் 40 காசு முதல் 79 ரூபாய் வரை ஏலம் போனது. 144 மூட்டை 2-ம் ரக கொப்பரை கிலோ ஒன்றுக்கு 59 ரூபாய் 50 காசு முதல் 68 ரூபாய் 50 காசுக்கு ஏலம் போனது.

கடந்த வாரத்தை விட 68 மூட்டை கொப்பரை குறைவாக வந்தது. வரத்து குறைந்ததால் கடந்த வாரத்தை விட 3 ரூபாய் 60 காசு கூடுதலாக விலை கிடைத்தது. இதனால் விவசாயிகள் மகிழ்ச்சி அடைந்தனர்.