மாரண்டஅள்ளி:
மாரண்டஅள்ளி அருகே உள்ள வேப்பிலஅள்ளி கிராமத்தை சேர்ந்தவர்கள் லோகேஸ்வரன் (வயது 20), முருகன் (18), சத்யராஜ் (23). நண்பர்களான இவர்கள் கூலி வேலை செய்து வருகிறார்கள். இந்தநிலையில் அவர்கள் 3 பேரும் பஞ்சப்பள்ளியில் இருந்து மாரண்டஅள்ளி நோக்கி மோட்டார் சைக்கிள் ஒன்றில் சென்று கொண்டிருந்தனர். சாமனூர் கூட்ரோடு அருகே எதிரே வந்த சரக்கு ஆட்டோ, மோட்டார் சைக்கிள் மீது மோதியது. இந்த விபத்தில் லோகேஸ்வரன், முருகன், சத்யராஜ் ஆகியோர் படுகாயம் அடைந்தனர். அந்த வழியாக சென்றவர்கள் அவர்களை மீட்டு சிகிச்சைக்காக பாலக்கோடு அரசு ஆஸ்பத்திரிக்கு அனுப்பி வைத்தனர். இந்த விபத்து குறித்து மாரண்டஅள்ளி போலீசார் வழக்குப்பதிவு செய்து விசாரணை நடத்தி வருகிறார்கள்.