தர்மபுரி அருகே விபத்தில் விவசாயி பலி

தர்மபுரி:

தர்மபுரி மாவட்டம் அரூர் அருகே உள்ள செட்டிப்பட்டி கிராமத்தை சேர்ந்தவர் சுரேஷ் (வயது 35). விவசாயியான இவர் தர்மபுரியில் இருந்து அரூருக்கு மோட்டார் சைக்கிளில் புறப்பட்டார். குரும்பட்டி பகுதியில் சென்றபோது அந்த வழியாக வந்த மற்றொரு மோட்டார் சைக்கிள், சுரேஷ் ஓட்டி சென்ற மோட்டார் சைக்கிள் மீது மோதியது. இதில் தூக்கி வீசப்பட்டு படுகாயம் அடைந்த சுரேசை அந்த பகுதியில் இருந்தவர்கள் மீட்டு தர்மபுரி அரசு ஆஸ்பத்திரியில் சேர்த்தனர். அங்கு சிகிச்சை பலனின்றி சுரேஷ் பரிதாபமாக உயிரிழந்தார். இது தொடர்பாக தர்மபுரி டவுன் போலீசார் வழக்குப்பதிவு செய்து விசாரணை நடத்தி வருகிறார்கள்.