பள்ளிபாளையத்தில் மொபட் மீது லாரி மோதியதில் பெண் பலி

பள்ளிபாளையத்தில்

மொபட் மீது லாரி மோதியதில் பெண் பலி

பள்ளிபாளையம்:

லாரி மோதல்

பள்ளிபாளையம் ஓடப்பள்ளி பகுதியை சேர்ந்தவர் பழனிசாமி. இவருடைய மனைவி அய்யம்மாள் (வயது 29). இந்த தம்பதிக்கு 2 குழந்தைகள் உள்ளனர். பழனிசாமி கடந்த சில ஆண்டுகளுக்கு முன்பு இறந்து விட்டார். இதனால் அய்யம்மாள் தனது குழந்தைகளுடன் ஓடப்பள்ளியில் தனியாக வசித்து வந்தார்.

இந்தநிலையில் அவர் நேற்று காவேரி பகுதியில் இருந்து தனது மொபட்டில் ஓடப்பள்ளி நோக்கி சென்று கொண்டிருந்தார். காவேரி பஸ் நிறுத்தம் அருகே வளைவில் மொபட் திரும்பியபோது, எதிரே வந்த லாரி மொபட் மீது மோதியது.

பெண் பலி

இதனால் நிலைதடுமாறி கீழே விழுந்த அய்யம்மாள் மீது, லாரி டயர் ஏறியது. இதில் தலைநசுங்கி அவர் சம்பவ இடத்திலேயே பலியானார். இதுகுறித்து தகவல் அறிந்த பள்ளிபாளையம் போலீசார் விபத்து நடந்த இடத்துக்கு விரைந்து சென்றனர். அவர்கள் அய்யம்மாள் உடலை கைப்பற்றி பிரேத பரிசோதனைக்காக பள்ளிபாளையம் அரசு ஆஸ்பத்திரிக்கு அனுப்பி வைத்தனர்.

மேலும் இந்த விபத்து குறித்து வழக்குப்பதிவு செய்து, லாரி டிரைவரை தேடி வருகின்றனர்.