வடமதுரை அருகே மரத்தில் மோட்டார் சைக்கிள் மோதி வாலிபர் பலி

வேடசந்தூர் அருகே உள்ள எரியோடு ராமசாமிநகரை சேர்ந்தவர் நாகராஜ் (வயது 32). இவர், ஓட்டுனர் பயிற்சி பள்ளி நடத்தி வருகிறார். நேற்று இவர், மோட்டார் சைக்கிளில் வடமதுரைக்கு சென்றுவிட்டு, அங்கிருந்து மீண்டும் எரியோடு நோக்கி சென்றார். வடமதுரை அருகே உள்ள கெச்சானிபட்டி பகுதியில் மோட்டார் சைக்கிள் சென்று கொண்டிருந்தது.

அப்போது கட்டுப்பாட்டை இழந்து தாறுமாறாக ஓடிய மோட்டாா் சைக்கிள் சாலையோர மரத்தில் மோதி விபத்துக்குள்ளானது. இதில், மோட்டார் சைக்கிளில் இருந்து கீழே விழுந்த நாகராஜ் சம்பவ இடத்திலேயே பரிதாபமாக இறந்தார். இது பற்றி தகவல் அறிந்த வடமதுரை போலீசார் சம்பவ இடத்துக்கு விரைந்து சென்று நாகராஜின் உடலை மீட்டு பிரேத பரிசோதனைக்காக திண்டுக்கல் அரசு மருத்துவமனைக்கு அனுப்பி வைத்தனர். மேலும் போலீசார் வழக்குப்பதிவு செய்து விசாரணை நடத்தி வருகின்றனர். பலியான நாகராஜிக்கு, முத்துலட்சுமி என்ற மனைவியும், 2 மகன்களும் உள்ளனர் என்பது குறிப்பிடத்தக்கது.