பர்கூர் மலைப்பகுதியில் காட்டு யானை குறுக்கே வந்ததால் லாரி கவிழ்ந்து விபத்து; டிரைவர் காயம்

அந்தியூர்

கோவையில் இருந்து கர்நாடக மாநிலத்துக்கு நேற்று மதியம் லாரி ஒன்று சென்று கொண்டிருந்தது. லாரியை நடராஜ் (வயது 55) என்பவர் ஓட்டினார். ஈரோடு மாவட்டம் அந்தியூர் பர்கூர் மலைப்பாதையில் உள்ள தட்டக்கரை என்ற இடத்தில் சென்றபோது காட்டு யானை ஒன்று குறுக்கே வந்தது. இதனால் டிரைவர் யானை மீது மோதாமல் இருக்க பிரேக் போட்டார்.

இதில் நிலைதடுமாறிய லாரி பக்கவாட்டில் கவிழ்ந்தது. இந்த விபத்தில் லாரியின் இடிபாடுகளுக்குள் சிக்கி நடராஜ் காயம் அடைந்தார். இதை பார்த்த அந்த வழியாக சென்றவர்கள் அவரை மீட்டு சிகிச்சைக்காக 108 ஆம்புலன்ஸ் மூலம் அந்தியூர் அரசு ஆஸ்பத்திரியில் சேர்த்தனர். பின்னர் மேல்சிகிச்சைக்காக பெருந்துறை அரசு மருத்துவக்கல்லூரி ஆஸ்பத்திரிக்கு கொண்டு செல்லப்பட்டார். அங்கு அவருக்கு டாக்டர்கள் சிகிச்சை அளித்து வருகிறார்கள்.

இதுகுறித்து பர்கூர் போலீஸ் சப்-இன்ஸ்பெக்டர் முருகன் வழக்குப்பதிவு செய்து விசாரணை நடத்தி வருகிறார்.