ரெயிலில் அடிபட்டு வாலிபர் பலி

ஜோலார்பேட்டை - திருப்பத்தூர் ரெயில் நிலையங்களுக்கு இடையே சுமார் 25 வயது மதிக்கத்தக்க வாலிபர் ஒருவர் நேற்று ரெயிலில் அடிபட்டு இறந்து கிடந்தார். இதுகுறித்து தகவல் அறிந்த ஜோலார்பேட்டை ரெயில்வே போலீசார் சம்பவ இடத்திற்கு சென்று இறந்தவரின் உடலை மீட்டு பிரேத பரிசோதனைக்காக திருப்பத்தூர் அரசு மருத்துவமனைக்கு அனுப்பி வைத்தனர்.

இறந்தவர் யார்?, எந்த ஊரை சேர்ந்தவர் என்பது தெரியவில்லை. தண்டவாளத்தை கடக்கும்போது ரெயிலில் அடிபட்டு இறந்தாரா, அல்லது ஓடும் ரயிலில் தவறி விழுந்து இறந்தாரா? என்பதும் தெரியவில்லை. இதுகுறித்து ரெயில்வே போலீசார் வழக்கு பதிவு செய்து தீவிர விசாரணை மேற்கொண்டு வருகின்றனர்.