ரெயிலில் அடிபட்டு வாலிபர் பலி

ஜோலார்பேட்டை- கேத்தாண்டப்பட்டி இடையே நேற்று அதிகாலை 20 வயது மதிக்கத்தக்க வாலிபர் தண்டவாளத்தை கடக்க முயன்றார். அப்போது கோவையிலிருந்து சென்னை நோக்கி சென்ற சேரன் எக்ஸ்பிரஸ் ரெயிலில் அடிபட்டு பரிதாபமாக உயிரிழந்தார்.

இது குறித்து தகவல் அறிந்ததும் ஜோலார்பேட்டை ரெயில்வே போலீஸ் சப்-இன்ஸ்பெக்டர் சுப்பிரமணி மற்றும் போலீசார் சம்பவ இடத்திற்கு சென்று உடலை மீட்டு பிரேத பரிசோதனைக்காக வேலூர் அரசு மருத்துவமனைக்கு அனுப்பி வைத்தனர்.

இறந்தவர் மாநிறம் உடையவர். கத்தரிப்பூ கலரில் முழுக்கை சட்டையும் நீல நிற ஜீன்ஸ் பேண்டும் அணிந்து இருந்த அவர் யார்? எந்த ஊரைச் சேர்ந்தவர்? என்பது தெரியவில்லை.

அது குறித்து போலீசார் வழக்குப்பதிவு செய்து விசாரணை நடத்தி வருகின்றனர்.