முன்விரோதத்தில் வாலிபர் வெட்டிக்கொலை

சிவகாசி,

சிவகாசியில் முன்விரோதத்தில் வாலிபர் வெட்டிக்கொலை செய்யப்பட்டார். இதுெதாடர்பாக ஒருவர் கைது செய்யப்பட்டார்.

அரிவாள் வெட்டு

விருதுநகர் மாவட்டம் சிவகாசி ரிசர்வ்லைன் பகுதியை சேர்ந்தவர் வேல்சாமி. இவரது மகன் ஈஸ்வர பாண்டியன் (வயது 26). இவர் தனது நண்பர் நேருஜி நகரை சேர்ந்த சுந்தரராஜன் (26) மற்றும் சிலருடன் அதே பகுதியில் உள்ள ஒரு இடத்தில் ேநற்றுமுன்தினம் இரவு மது அருந்தி கொண்டிருந்தார்.

அப்போது அங்கு வந்த அதே பகுதியை சேர்ந்த கோகுல்குமார்(26) மற்றும் சிலர் கடந்த 4 மாதங்களுக்கு முன்பு ஏற்பட்ட தகராறுக்கு பழிவாங்கும் வகையில் ஈஸ்வரபாண்டியனிடம் தகராறு செய்து அவரை அரிவாளால் வெட்டினர். இதில் ஈஸ்வரபாண்டியனுக்கு தலை மற்றும் முதுகில் வெட்டு விழுந்தது. இதனை தடுக்க முயன்ற சுந்தரராஜனுக்கும் அரிவாள் வெட்டு விழுந்துள்ளது.

வெட்டிக்ெகாலை

இந்த சம்பவத்தில் பலத்த காயம் அடைந்த ஈஸ்வரபாண்டியன் பரிதாபமாக இறந்தார். இதில் காயம் அடைந்த சுந்தரராஜன் விருதுநகர் அரசு ஆஸ்பத்திரியில் சிகிச்சை பெற்று வருகிறார். இந்த சம்பவம் குறித்து தகவல் அறிந்த சிவகாசி டவுன் போலீசார் சம்பவ இடத்துக்கு விரைந்து வந்து விசாரணை நடத்தினர். பின்னர் கோகுல்குமார் என்பவரை போலீசார் கைது செய்தனர். இந்த வழக்கு தொடர்பாக போலீசார் மேலும் 3 பேரை தேடி வருகிறார்கள். முன்விரோத தகராறில் வாலிபர் வெட்டிக் கொலை செய்யப்பட்ட சம்பவம் ரிசர்வ்லைன் பகுதியில் பெரும் பரபரப்பை ஏற்படுத்தி உள்ளது.