மோட்டார் சைக்கிளில் இருந்து விழுந்தவர், லாரி சக்கரத்தில் சிக்கி பலி

காரியாபட்டி

விருதுநகர் மாவட்டம் காரியாபட்டி அருகே மல்லாங்கிணறு அண்ணாநகரை சேர்ந்தவர் ஆனந்தராஜ் (வயது 40). அவரது அண்ணன் சரவணன்(42). இவர்கள் இருவரும் மோட்டார் சைக்கிளில் அண்ணாநகரில் இருந்து விருதுநகர் நோக்கி சென்று கொண்டிருந்தனர். அப்போது அந்த வழியாக மோட்டார் சைக்கிளில் வந்த ராஜஸ்தானை சேர்ந்த ராஜூலு(22), ராஜி(30) ஆகிய இருவரும் மல்லாங்கிணறு போலீஸ் நிலையம் முன்பு வந்தனர். இந்த இரு மோட்டார் சைக்கிள்களும் நேருக்கு நேர் மோதிக்கொண்டன. இதில் 4 பேரும் கீழே தூக்கி வீசப்பட்டனர். அப்போது அந்த வழியாக வந்த லாரியின் முன்பு ஆனந்தராஜ் விழுந்தார். லாரியின் சக்கரமானது அவர் மீது ஏறி இறங்கியது. இதில் உடல் நசுங்கி சம்பவ இடத்திலேயே ஆனந்தராஜ் பலியானார். பலத்த காயமடைந்த சரவணன், ராஜி, ராஜூலு ஆகிய 3 பேரும் விருதுநகர் அரசு மருத்துவமனைக்கு சிகிச்சைக்காக அனுப்பி வைத்தனர். விபத்தில் பலியான ஆனந்தராஜனின் உடலை போலீசார் கைப்பற்றி பிரேத பரிசோதனைக்காக விருதுநகர் அரசு மருத்துவமனைக்கு அனுப்பி வைத்தனர். மேலும், மல்லாங்கிணறு போலீசார் வழக்கு பதிவு செய்து விசாரித்து வருகின்றனர்.