மதுபானம் வைத்திருந்தவர் கைது

பெரியகுளம் தென்கரை போலீஸ் சப்-இன்ஸ்பெக்டர் தீபக் மற்றும் போலீசார் வடுகப்பட்டி பகுதியில் ரோந்து பணியில் ஈடுபட்டனர். அப்போது வடுகப்பட்டி பகவதி அம்மன் கோவில் அருகே கையில் பையுடன் ஒருவர் நின்று கொண்டிருந்தார். போலீசார் அவரை பிடித்து பையை சோதனை செய்தனர். அதில் மதுபாட்டில்கள் இருந்தன. அதனை பறிமுதல் செய்த போலீசார் விசாரணை நடத்தினர். விசாரணையில் அவர், தேனியை சேர்ந்த ஜெயமணி (வயது 47) என்பதும், விற்பனைக்காக மதுபாட்டில்களை வைத்திருந்ததும் தெரியவந்தது. இதையடுத்து அவரை போலீசார் கைது செய்தனர்.