கத்தியை காட்டி பணம் பறித்தவர் கைது

மதுரை ஜெய்ஹிந்த்புரம் தியாகி சுந்தர லிங்கனார் தெருவை சேர்ந்தவர் வீரமணி (வயது 58). சம்பவத்தன்று இவர் ஜெய்ஹிந்த்புரம் மாரியம்மன் கோவில் தெருவில் நடந்து சென்றார். அப்போது வாலிபர் ஒருவர் அவரை வழிமறித்தார். பின்னர் அவர் கத்தியை காட்டி வீரமணியை மிரட்டி அவரிடமிருந்து பணத்தை பறித்து கொண்டு தப்பி விட்டார். இது குறித்த புகாரின் பேரில் ஜெய்ஹிந்த்புரம் போலீசார் வழக்குப்பதிவு செய்து அதே பகுதியை சேர்ந்த பிரேம்ஆனந்த் (39) என்பவரை கைது செய்தனர்.