விழுப்புரம் அருகேலாரி சக்கரத்தில் சிக்கி ஊர்க்காவல்படை வீரர் சாவு

விழுப்புரம் அருகே வாணியம்பாளையம் மாரியம்மன் கோவில் தெருவை சேர்ந்தவர் ராஜேந்திரன். இவரது மகன் வீரசக்திவேல் (வயது 38). இவர் ஊர்க்காவல் படையில் பணியாற்றி வருகிறார். நேற்று முன்தினம் வீர சக்திவேல் தனது மோட்டார் சைக்கிளில் புதுச்சேரி பகுதியில் இருந்து விழுப்புரம் நோக்கி வந்து கொண்டிருந்தார். வளவனூர் அடுத்த குமாரகுப்பம் பகுதியில் வந்த போது, நிலைதடுமாறி கீழே விழுந்தார். அப்போது அந்த வழியாக சென்ற லாரியின் சக்கரத்தில் அவர் சிக்கி கொண்டதால், உடல் நசுங்கி சம்பவ இடத்திலேயே பரிதாபமாக உயிரிழந்தார்.

விபத்து குறித்து தகவல் அறிந்த வளவனூர் போலீசார் விரைந்து சென்று உடலை மீட்டு முண்டியம்பாக்கம் அரசு மருத்துவக்கல்லூரி மருத்துவமனைக்கு அனுப்பி வைத்தனர். இது குறித்த புகாரின் பேரில் வழக்குப்பதிவு செய்து விசாரணை நடத்தி வருகின்றனர்.