மர்மமான முறையில் இறந்து கிடந்த மான்

காட்பாடி தாலுகா எருக்கம்பட்டு ஊராட்சி சின்ன பெருமாள்குப்பம் கிராமத்தில் சண்முகம் என்பவருக்கு சொந்தமான விவசாய நிலத்தில் நேற்று காலை சுமார் 2 வயது மதிக்கத்தக்க பெண் புள்ளி மான் மர்மமான முறையில் இறந்து கிடந்துள்ளது. இதனை அப்பகுதி பொதுமக்கள் பார்த்து மேல்பாடி போலீஸ் நிலையத்திற்கு தகவல் தெரிவித்தனர். உடனடியாக சம்பவ இடத்திற்கு விரைந்து சென்ற போலீசார், வனத்துறையினருக்கு தகவல் தெரிவித்தனர். அதன்பேரில் ராணிப்பேட்டை வனவர் ஆனந்த், சமூக வனத்தோட்ட காவலர்கள் ஹரி கிருஷ்ணன் மற்றும் கருணா சம்பவ இடத்திற்கு சென்று காயங்களுடன் இறந்து கிடந்த மானை கைப்பற்றி விசாரணை மேற்கொண்டனர். பொன்னை கால்நடை மருத்துவர் வினோத்குமார் தலைமையில் மருத்துவ குழுவினர் மானை பிரேத பரிசோதனை செய்தனர். அதன் பின்னர் மகிமண்டலம் காப்புக்காட்டில் எரிக்கப்பட்டது.