ஆம்புலன்சில் கர்ப்பிணிக்கு அழகான ஆண் குழந்தை பிறந்தது

கீரனூர் அருகே கீழப்பட்டி நல்லூர் கிராமத்தை சேர்ந்தவர் முருகேசன். இவரது மனைவி முத்துலட்சுமி. நிறைமாத கர்ப்பிணியான இவருக்கு நேற்றுமுன்தினம் நள்ளிரவு வயிற்று வலி ஏற்பட்டது. இதுகுறித்து தகவல் அறிந்த கீரனூர் அரசு மருத்துவமனையில் உள்ள 108 ஆம்புலன்ஸ் விரைந்து வந்து கர்ப்பிணியை கீரனூர் அரசு மருத்துவமனைக்கு அழைத்து சென்றனர். ஆனால் மருத்துவமனைக்கு செல்லும் வழியிலேயே ஆம்புலன்சில் அந்த பெண்ணுக்கு அழகான ஆண் குழந்தை பிறந்தது. கர்ப்பிணிக்கு அவசர கால மருத்துவ உதவியாளர் மஞ்சூரியா பிரசவம் பார்த்தார். பின்னர் தாயும், குழந்தையும் கீரனூர் அரசு மருத்துவமனையில் சேர்க்கப்பட்டனர். இதையடுத்து மருத்துவ உதவியாளர் மஞ்சூரியா மற்றும் ஆம்புலன்ஸ் டிரைவர் ஆகியோரை பொதுமக்கள் பாராட்டினர்.