தூங்கி கொண்டிருந்த பெண்ணிடம் 2 பவுன் தங்க சங்கிலி பறிப்பு

கறம்பக்குடி:

கறம்பக்குடி அருகே உள்ள மழையூர் கிராமத்தை சோ்ந்தவா் செல்லப்பா. விவசாயி. இவா் நேற்று இரவு தனது வீட்டில் குடும்பத்தினருடன் தூங்கி கொண்டிருந்தார். காற்றுக்காக கதவை திறந்து வைத்திருந்ததாக கூறப்படுகிறது. அப்போது வீட்டில் நுழைந்த மர்ம நபர்கள் செல்லப்பா மகள் சூா்யா கழுத்தில் அணிந்திருந்த 2 பவுன் தங்க சங்கிலியை பறித்தனா். இதனால் தூக்கத்தில் இருந்து கண்விழித்த சூா்யா கூச்சலிட்டாா். அவரது சத்தம் கேட்டு வீட்டில் உள்ளவர்களும் கண் விழித்தனர். ஆனால் அதற்குள் சங்கிலியை பறித்த மர்ம நபர்கள் அங்கிருந்து தப்பி ஓடி விட்டனா். இதுகுறித்து சூா்யா மழையூா் போலீஸ் நிலையத்தில் புகாா் கொடுத்தார். அதன்பேரில் மழையூா் போலீஸ் சப்- இன்ஸ்பெக்டர் ரவி வழக்குப்பதிவு செய்து தங்க சங்கிலியை பறித்து சென்ற மர்மநபர்களை தேடி வருகிறாா். வீட்டில் தூங்கியபோது பெண்ணிடம் தங்க சங்கிலியை பறித்து சென்ற சம்பவம் மழையூர் பகுதியில் பரபரப்பை ஏற்படுத்தியுள்ளது.