கள்ளழகர் கோவிலில் ரூ.50 லட்சம் உண்டியல் காணிக்கை

அழகர்கோவில், 

அழகர்கோவிலில் உள்ள கள்ளழகர் கோவிலில் நேற்று அங்குள்ள திருக்கல்யாண மண்டப வளாகத்தில் உண்டியல்கள் திறந்து பக்தர்களின் காணிக்கை எண்ணப்பட்டது. இதில் ரூ.50 லட்சத்து 18 ஆயிரத்து 617-ம், 64 கிராம் தங்கமும், 268 கிராம் வெள்ளியும், வெளிநாட்டு டாலர் நோட்டுகளும் இருந்தது. உண்டியல் திறப்பின் போது கள்ளழகர் கோவில் துணை ஆணையர் ராமசாமி, திருப்பரங்குன்றம் சுப்பிரமணிய சுவாமி கோவில் துணை ஆணையர் சுரேஷ், தக்கார் பிரதிநிதி நல்ல தம்பி, மேலூர் சரக ஆய்வாளர் அய்யம்பெருமாள், கண்காணிப்பாளர்கள் பிரதீபா, சேகர், அருள் செல்வன் மற்றும் திருக்கோவில் பணியாளர்கள் கலந்து கொண்டனர்.