தமிழ்நாடு நெடுஞ்சாலை துறையினரால் அரியலூர் மாவட்டத்தில் உள்ள அனைத்து கிராமங்களின் நுழைவு வாயிலில் பச்சை நிறத்தில் ஊரின் பெயர் பலகைகள் வைக்கப்பட்டுள்ளன. இந்த நிலையில் கீழப்பழுவூரில் இருந்து திருமழபாடி செல்லும் சாலை வழியே உள்ள தட்டான்சாவடி, கா.மேட்டுதெரு, திருமழபாடி, பாக்கியநாதபுரம் உள்பட 5 கிராமங்களின் பெயர் பலகைகளை யாரோ மர்மநபர்கள் கழற்றி திருடி சென்றுள்ளனர். மேலும் அப்பகுதியில் உள்ள 10-க்கும் மேற்பட்ட பெயர் பலகைகளை சேதப்படுத்தியும் சென்றுள்ளனர். இச்சம்பவம் இப்பகுதி மக்களிடையே பெரும் பரபரப்பை ஏற்படுத்தியுள்ளது. இதுகுறித்து தகவல் அறிந்த நெடுஞ்சாலைத் துறையினர் தற்போது ஆய்வு செய்துள்ளனர். இச்சம்பவம் குறித்து போலீசில் புகார் அளிக்க உள்ளதாகவும் நெடுஞ்சாலைத்துறையினர் தெரிவித்தனர்.