லாட்டரி சீட்டு விற்ற 5 பேர் கைது

விழுப்புரம் சாலாமேடு, கலைஞர் நகர் பகுதிகளில் தாலுகா போலீஸ் சப்-இன்ஸ்பெக்டர்கள் அன்பழகன், சந்திரசேகர் ஆகியோர் தலைமையிலான போலீசார் ரோந்துப்பணியில் ஈடுபட்டனர். அப்போது அங்கு லாட்டரி சீட்டுகளை விற்பனை செய்துகொண்டிருந்த சாலாமேட்டை சேர்ந்த விக்னேஷ்குமார் (வயது 29), ராஜ்குமார் (34), விழுப்புரம் அருகே சேர்ந்தனூரை சேர்ந்த பாஸ்கர் (38) ஆகிய 3 பேரை போலீசார் கைது செய்தனர். இதேபோல் விழுப்புரம் சேவியர் காலனி பகுதியில் லாட்டரி சீட்டுகளை விற்பனை செய்த அதே பகுதியை சேர்ந்த சதீஷ் (33), விழுப்புரம் கீழ்பெரும்பாக்கத்தை சேர்ந்த அன்பழகன்(51) என்பவரை விழுப்புரம் நகர போலீசார் கைது செய்தனர்.