பணம் வைத்து சூதாடிய 5 பேர் கைது

விராலிமலை ஒன்றியம், மாத்தூர் தென்னம்பிள்ளை அருகே அப்பகுதியை சேர்ந்தவர்கள் பணம் வைத்து சூதாட்டத்தில் ஈடுபடுவதாக போலீசாருக்கு தகவல் சென்றது. அதன்பேரில் மாத்தூர் போலீஸ் சப்-இன்ஸ்பெக்டர் முருகையன் தலைமையிலான போலீசார் அப்பகுதியில் இன்று கண்காணித்தனர். அப்போது அங்கு பணம் வைத்து சூதாடி கொண்டிருந்த அதேபகுதியை சேர்ந்த வையாபுரி மகன் கணபதி (வயது 37), சசிகுமார் (45), பழனிசாமி மகன் வினோத் (25), நாகராஜ் மகன் அஜித்குமார் (25), ஆறுமுகம் மகன் அருண்குமார் (25) ஆகிய 5 பேரையும் கைது செய்தனர். மேலும் அவர்களிடமிருந்து ரூ.3 ஆயிரம் மற்றும் சீட்டுக்கட்டுகளை போலீசார் பறிமுதல் செய்தனர்.