ரூ.5½ லட்சம் கடத்தல் தங்கம் பறிமுதல்

துபாயிலிருந்து ஏர் இந்தியா எக்ஸ்பிரஸ் விமானம் நேற்று முன்தினம் இரவு திருச்சி வந்தது. இந்த விமானத்தில் வந்த பயணிகளை சுங்கத்துறை அதிகாரிகள் சோதனை செய்தனர். அப்போது சென்னையை சேர்ந்த கிருஷ்ணமூர்த்தி என்ற பயணி தனது உள்ளாடையில் ரூ.5½ லட்சம் மதிப்புள்ள 113 கிராம் தங்கம் கடத்தி வந்தது தெரியவந்தது. இதனையடுத்து அதனை பறிமுதல் செய்த அதிகாரிகள் தொடர்ந்து விசாரணை நடத்தி வருகின்றனர்.