சாராயம் விற்ற 4 பேர் கைது

வேதாரண்யம்:

வேதாரண்யம் போலீஸ் சப்-இன்ஸ்பெக்டா் இங்கா்சால் மற்றும் போலீசார் வேதாரண்யத்தை அடுத்த கோடியக்காடு, கோடியக்கரை பகுதியில் ரோந்து பணியில் ஈடுபட்டனர். அப்போது கோடியக்காடு பகுதியில் அதே பகுதியை சேர்ந்த தங்கராசு (வயது25), ஆறுமுகம் (42), மணிமாறன் (37) ஆகிய 3 பேரும், கோடியக்கரையில் அதே பகுதியை சோ்ந்த காளிதாஸ் (40) என்பவரும் சாராயம் விற்றது தெரிய வந்தது. இதுகுறித்து போலீசார் வழக்குப்பதிவு செய்து 4 பேரையும் கைது செய்தனர். மேலும் அவர்களிடம் இருந்து தலா 110 லிட்டர் சாராயம் பறிமுதல் செய்தனர்.