மது விற்ற பெண் உள்பட 4 பேர் கைது

உடையார்பாளையம்:

அரியலூர் மாவட்டம் உடையார்பாளையம் போலீஸ் சப்-இன்ஸ்பெக்டர் திருவேங்கடம் மற்றும் போலீசார் அப்பகுதியில் ரோந்து பணியில் ஈடுபட்டனர். அப்போது வாணத்திரையான்பட்டிணம் கிராமத்தை சேர்ந்த கிருஷ்ணமூர்த்தி(வயது 60), செல்வையன்(40), செல்வராசுவின் மனைவி அஞ்சலை(50), சுரேஷ்(38) ஆகியோர் அப்பகுதியில் பதுக்கி வைத்து கூடுதல் விலைக்கு மது விற்றது தெரியவந்தது. இது குறித்து வழக்குப்பதிந்த போலீசார், அவர்கள் 4 பேரையும் கைது செய்து அவர்களிடம் இருந்த 21 குவார்ட்டர் பாட்டில்களை பறிமுதல் செய்தனர்.