தஞ்சை மாவட்டம் திருவோணத்தை அடுத்துள்ள வாட்டாத்திக்கோட்டை போலீஸ் சரகப் பகுதியில் ஆற்றுப்படுகைகளில் இருந்து மணல் கடத்தப்படுவதாக போலீசாருக்கு தகவல் கிடைத்தது. அதன்பேரில் வாட்டாத்திக்கோட்டை போலீசார் நேற்று முன்தினம் தீவிர ரோந்து பணியில் ஈடுபட்டனர். அப்போது செட்டிக்கொல்லை அருகே மாட்டு வண்டியில் மணல் கடத்தி வந்த இடையாத்தி பகுதியை சேர்ந்த பெரியதம்பி (வயது55), ரெங்கசாமி (45), முத்துராஜ் (52), முனியய்யா (49) ஆகிய 4 பேரையும் போலீசார் மடக்கிப் பிடித்தனர். இதுகுறித்து வாட்டாத்திக்கோட்டை போலீசார் வழக்குப்பதிவு செய்து 4 பேரையும் கைது செய்தனர். மேலும் மணல் கடத்தலுக்கு பயன்படுத்தப்பட்ட 4 மாட்டு வண்டிகளும் போலீசாரால் பறிமுதல் செய்யப்பட்டது.