வீ. மேட்டுப்பாளையம்
வெள்ளகோவிலில் ஞாயிற்றுக்கிழமை தோறும் முருங்கைக்காய் கொள்முதல் நிலையம் செயல்பட்டு வருகிறது. இந்த முருங்கைக்காய் கொள்முதல் நிலையத்திற்கு வெள்ளகோவில் சுற்று வட்டார பகுதியில் உள்ள விவசாயிகள் முருங்கைக் காய்களை விற்பனைக்கு கொண்டு வருவார்கள். அதன்படி நேற்று 60 விவசாயிகள் 3 டன் முருங்கைக் காய்களை விற்பனைக்கு கொண்டு வந்தனர். இதில் முத்தூர், வெள்ளகோவில், காங்கயம், மூலனூர் பகுதிகளை சேர்ந்த வியாபாரிகள் கலந்து கொண்டு ஒரு கிலோ செடி முருங்கைக்காய் ரூ.25-க்கும், கரும்பு முருங்கை ரு.35 முதல் ரூ. 37 வரை கொள்முதல் செய்தனர். இந்த தகவல்களை முருங்கை வியாபாரி செல்லப்பன் தெரிவித்தார்.