ஆயுதங்களுடன் வலம் வந்த 3 பேர் கைது

மதுரை திலகர்திடல் போலீசார் அவர்கள் எல்லைக்கு உட்பட்ட பகுதியில் ரோந்து பணியில் ஈடுபட்டிருந்தனர். அப்போது பேச்சியம்மன் படித்துறை வைகை தென்கரை வழியாக அவர்கள் சென்றனர். அப்போது போலீசாரை கண்டதும் 3 வாலிபர்கள் அங்கிருந்து தப்பி செல்ல முயன்றனர். அவர்களை போலீசார் சுற்றி வளைத்து பிடித்து விசாரித்தனர். அதில் மதுரை மாவட்டம் கீழக்குயில்குடி கிழக்கு தெரு நிஷாந்த் (வயது 19), அச்சம்பத்து வ.உ.சி.தெரு கோபிநாத் (30), அச்சம்பத்து பிரபாகர் (26) என்பதும், அவர்கள் ஆயுதங்களை மறைத்து வைத்திருந்தது தெரியவந்தது. பின்னர் திலகர்திடல் போலீசார் வழக்குப்பதிவு செய்து அவர்கள் 3 பேரையும் கைது செய்தனர்.