தமிழகத்தில் அடுத்த 2 நாட்களுக்கு, வெப்பநிலை இயல்பை விட அதிகரிக்க கூடும் - வானிலை ஆய்வு மையம்

சென்னை,

கோடை காலம் தொடங்கியுள்ள நிலையில், தமிழகத்தில் வெயிலின் தாக்கம் நாளுக்குநாள் அதிகரித்த வண்ணம் உள்ளது.தமிழகத்தில் மதிய வேளைகளில் மக்கள் வெளியே செல்ல முடியாத அளவுக்கு வெயில் கொளுத்துகிறது.

இந்நிலையில் தமிழகத்தில் அடுத்த 2 நாட்களுக்கு,ஓரிரு இடங்களில் அதிகபட்ச   வெப்பநிலை இயல்பை விட 2-3 டிகிரி செல்சியஸ் அதிகரிக்க கூடும் என  வானிலை ஆய்வு மையம் தெரிவித்துள்ளது .

மேலும் சென்னையை பொறுத்தவரை அடுத்த 48 மணி நேரத்துக்கு வானம் ஓரளவு மேகமூட்டத்துடன் காணப்படும் .அதிகபட்ச வெப்பநிலை 38 டிகிரி செல்சியஸ் மற்றும் குறைந்தபட்ச  வெப்பநிலை 28 டிகிரி செல்சியஸை ஒட்டி இருக்கக்கூடும் என சென்னை வானிலை ஆய்வு மையம் தெரிவித்துள்ளது .