கஞ்சா விற்ற 2 பேர் கைது

புதுச்சேரி கோரிமேடு போலீஸ் இன்ஸ்பெக்டர் பாலமுருகன் மற்றும் போலீசார் இன்று காமராஜ் நகரில் ரோந்து பணியில் ஈடுபட்டனர். அப்போது அங்கு சந்தேகத்துக்கு இடமான முறையில் நின்று கொண்டிருந்த 2 பேரை மடக்கி பிடித்தனர்.

விசாரணையில் அவர்கள் அதே பகுதியை சேர்ந்த மணிகண்டன் (வயது 35), விஜய் என்ற பிரவீன்குமார் (35) என்பதும், கல்லூரி மாணவர்கள், இளைஞர்களுக்கு கஞ்சா விற்பனை செய்ததும் தெரியவந்தது. இதையடுத்து 2 பேரையும் போலீசார் கைது செய்தனர். அவர்களிடம் இருந்து 250 கிராம் கஞ்சா பறிமுதல் செய்யப்பட்டது.