தமிழகத்தில் கொரோனா பாதிப்பு 8 லட்சத்தை நெருங்குகிறது ; 11 மாவட்டங்களில் 10–க்கும் குறைவானவர்களுக்கு தொற்று

சென்னை:

தமிழகத்தில் இன்று  (வியாழக்கிழமை) கொரோனா பாதிப்பு குறித்து சுகாதாரத்துறை வெளியிட்டுள்ள செய்திக்குறிப்பில் கூறப்பட்டிருப்பதாவது:–

தமிழகத்தில் இன்று  ஒரே நாளில் 68 ஆயிரத்து 494 பேருக்கு கொரோனா பரிசோதனை மேற்கொள்ளப்பட்டது. இதில் 737 ஆண்கள், 483 பெண்கள் என மொத்தம் 1,220 பேர் கொரோனாவால் பாதிக்கப்பட்டு உள்ளனர். இந்த பட்டியலில், வெளிநாட்டில் இருந்து வந்த ஒருவரும், வெளிமாநிலங்களில் இருந்து வந்த 10 பேரும், 12 வயதுக்கு உட்பட்ட 36 குழந்தைகளும், 60 வயதுக்கு மேற்பட்ட 255 முதியவர்களும் இடம்பெற்றுள்ளனர். 

இன்று பெரம்பலூர் மாவட்டத்தை தவிர மற்ற அனைத்து மாவட்டங்களிலும் பாதிப்பு ஏற்பட்டுள்ளது. இதில், 11 மாவட்டங்களில் 10–க்கும் குறைவானவர்களுக்கு தொற்று ஏற்பட்டுள்ளது.

இன்று பாதிக்கப்பட்டவர்களில் அதிகபட்சமாக சென்னையில் 313 பேரும், கோவையில் 124 பேரும், ஈரோட்டில் 85 பேரும், குறைந்தபட்சமாக தென்காசியில் 4 பேரும், கள்ளக்குறிச்சியில் 3 பேரும், திருப்பத்தூரில் இருவரும் பாதிக்கப்பட்டு உள்ளனர்.

தமிழகத்தில் இதுவரை ஒரு கோடியே 24 லட்சத்து 49 ஆயிரத்து 252 பேருக்கு கொரோனா பரிசோதனை மேற்கொள்ளப்பட்டு உள்ளது. இதில் 7 லட்சத்து 95 ஆயிரத்து 240 பேர் பாதிக்கப்பட்டு உள்ளனர். இதில் 4 லட்சத்து 80 ஆயிரத்து 467 ஆண்களும், 3 லட்சத்து 14 ஆயிரத்து 739 பெண்களும், 3–ம் பாலினத்தவர்கள் 34 பேரும் அடங்குவர். இந்த பட்டியலில் 12 வயதுக்குட்பட்ட 28 ஆயிரத்து 122 குழந்தைகளும், 60 வயதுக்கு மேற்பட்ட 1 லட்சத்து 3 ஆயிரத்து 142 முதியவர்களும் இடம் பெற்றுள்ளனர்.

கொரோனாவுக்கு அரசு மருத்துவமனையில் 8 பேரும், தனியார் மருத்துவமனையில் 9 பேரும் என 17 பேர் சிகிச்சை பலனின்றி உயிரிழந்தனர். இதில், சென்னையில் 5 பேரும், கோவையில் 4 பேரும், செங்கல்பட்டில் 3 பேரும், வேலூரில் இருவரும், சேலம், திருவள்ளூர், தூத்துக்குடியில் தலா ஒருவரும் என 7 மாவட்டங்களில் உயிரிழப்பு நிகழ்ந்துள்ளது. இதுவரையில் 11 ஆயிரத்து 853 பேர் உயிரிழந்துள்ளனர்.

தமிழகத்துக்கு வெளிநாடுகளில் இருந்து விமானம் மூலம் வந்த 928 பேருக்கும், வெளிமாநிலங்களில் இருந்து விமானம் மூலம் வந்த 1,012 பேருக்கும், ரெயில் மூலம் வந்த 428 பேருக்கும், சாலை மார்க்கமாக வந்த 4 ஆயிரத்து 424 பேருக்கும், கடல் மார்க்கமாக வந்த 34 பேருக்கும் என மொத்தம் 6 ஆயிரத்து 826 பேருக்கு கொரோனா தொற்று உறுதி செய்யப்பட்டுள்ளது.

கொரோனா பாதிப்பில் இருந்து 1,302 பேர் இன்று ‘டிஸ்சார்ஜ்’ செய்யப்பட்டனர். இதில் அதிகபட்சமாக சென்னையில் 296 பேரும், செங்கல்பட்டில் 110 பேரும், கோவையில் 92 பேரும் அடங்குவர். இதுவரையில் தமிழகத்தில் 7 லட்சத்து 72 ஆயிரத்து 995 பேர் கொரோனாவில் இருந்து பூரண குணம் அடைந்து உள்ளனர். தற்போது சிகிச்சையில் 10 ஆயிரத்து 392 பேர் உள்ளனர்.

இவ்வாறு அதில் கூறப்பட்டுள்ளது.

தமிழகத்தில் மாவட்டம் வாரியாக கொரோனா பாதிப்பு, டிஸ்சார்ஜ் ஆனவர்கள்,சிகிச்சையில் உள்ளவர்கள் விவரம் வருமாறு:-