நீலகிரியில் ஐந்து அடி அளவிற்கு உள்வாங்கிய பூமி

நீலகிரி,

நீலகிரி மாவட்டம் கீழ்கோத்தகிரியில் இருந்து கரிக்கையூர் மலைக் கிராமத்திற்கு செல்லும் சாலையில் உள்ள மெட்டுக்கல் என்ற பகுதியில் தேயிலை தோட்டத்தில் சுமார் 2 ஏக்கர் பரப்பளவில் பூமி 5 அடி அளவிற்கு உள்வாங்கியது. இது குறித்து மாவட்ட ஆட்சியர் அதிகாரிகளுடன் ஆய்வு செய்து வருகிறார்.

அதனை ஒட்டியுள்ள சாலைகளில் பெரிய அளவிலான விரிசல்கள் ஏற்பட்டுள்ளதால் இரு தினங்களாக போக்குவரத்து முற்றிலும் நிறுத்தப்பட்டுள்ளது. நில அதிர்வால் ஏற்பட்டிருக்கலாம் என சந்தேகிக்கப்படும் நிலையில் மாவட்ட ஆட்சியர் இன்னசென்ட் திவ்யா, மண் வள ஆராய்ச்சி அதிகாரிகளுடன் நிகழ்விடத்தில் ஆய்வு மேற்கொண்டார்.