என் மீது ராகுல்காந்தி வைத்த நம்பிக்கையை கரூர் மக்கள் பிரதிபலித்துள்ளனர் -ஜோதிமணி பேட்டி

சென்னை,

கரூர் நாடாளுமன்ற தொகுதியில் தி.மு.க. கூட்டணி சார்பில் காங்கிரஸ் கட்சி வேட்பாளர் ஜோதிமணி போட்டியிட்டார். இந்த தொகுதியில் பதிவான  வாக்குகளை எண்ணும் பணி நேற்று கரூர் மாவட்டம் தளவாபாளையம் எம்.குமாரசாமி பொறியியல் கல்லூரியில் அமைக்கப்பட்டிருந்த வாக்கு எண்ணிக்கை மையத்தில் நடைபெற்றது. இறுதியில் காங்கிரஸ் வேட்பாளர் ஜோதிமணி 7,90,399 வாக்குகள் பெற்று வெற்றி பெற்றார்.

இது குறித்து ஜோதிமணி செய்தியாளர்களிடம் கூறியதாவது:-

என் மீது ராகுல்காந்தி வைத்த நம்பிக்கையை கரூர் மக்கள் பிரதிபலித்துள்ளனர். எனது வெற்றிக்காக உழைத்த திமுக உள்ளிட்ட கூட்டணி கட்சியினருக்கு நன்றி.

கரூர் மக்கள் கொடுத்த வெற்றியை சாமானியருக்கான வெற்றியாக  கருதுகிறேன். கொடுத்த வாக்குறுதிகளை நிறைவேற்றி கரூர் மக்களின் அன்பையும், நம்பிகையையும் காப்பாற்றுவேன். என்னிடம் பணம் இல்லாததால், தான் வெற்றி பெறுவேன் என தம்பிதுரை கூறினார்.

இவ்வாறு அவர் கூறினார்.