நீலகிரி மக்களவை தொகுதியில் முன்னாள் மத்திய மந்திரி ஆ. ராசா வெற்றி

நீலகிரி,

நாடாளுமன்ற தேர்தல் 7 கட்டங்களாக நடந்து முடிந்துள்ளது.  இதில் தமிழகத்தில் வேலூர் தவிர்த்து 38 மக்களவை தொகுதிகளுக்கான தேர்தல் மற்றும் 18 சட்டசபை தொகுதிகளுக்கான இடைத்தேர்தல் ஆகியவை கடந்த ஏப்ரல் 18ந்தேதி நடந்தது.  இவற்றில் 72 சதவீத வாக்குகள் பதிவாகி உள்ளன.

இறுதி கட்ட தேர்தல் கடந்த 19ந்தேதி நடந்தது.  இதில், சூலூர், திருப்பரங்குன்றம், அரவக்குறிச்சி, ஓட்டப்பிடாரம் ஆகிய 4 தமிழக சட்டசபை தொகுதிகளுக்கான இடைத்தேர்தலும் நடந்தது.  இதற்கான வாக்கு எண்ணிக்கை இன்று காலை 8 மணியளவில் தொடங்கி நடந்து வருகிறது.  முதலில் தபால் வாக்குகள் எண்ணப்பட்டன.  இதனை அடுத்து மின்னணு வாக்கு பதிவு இயந்திரங்களில் உள்ள வாக்குகள் எண்ணப்பட்டு வருகின்றன.

நீலகிரி மக்களவை தொகுதியில் தி.மு.க. வேட்பாளர் ஆ. ராசா 4 லட்சத்து 98 ஆயிரத்து 32 வாக்குகள் பெற்றுள்ளார்.  இவரை எதிர்த்து போட்டியிட்ட அ.தி.மு.க. வேட்பாளர் தியாகராஜனை விட 2.05 லட்சம் வாக்குகள் வித்தியாசத்தில் வெற்றி பெற்றார்.