4 தொகுதி இடைத்தேர்தல் : மே 1-ம் தேதி ஒட்டப்பிடாரத்தில் பிரசாரத்தை தொடங்குகிறார் மு.க. ஸ்டாலின்

சென்னை,

வரும் மே 19-ம் தேதி அரவக்குறிச்சி, ஒட்டப்பிடாரம், திருப்பரங்குன்றம், சூலூர் ஆகிய சட்டமன்ற தொகுதிகளில் இடைத்தேர்தல் நடைபெற இருக்கிறது.

முன்னரே இந்த தொகுதிகளுக்கான வேட்பாளர்கள் அறிவிக்கப்பட்டிருந்தனர். இந்நிலையில் இன்று அண்ணா அறிவாலயத்தில் திமுக பொறுப்பாளர்களுடன், திமுக தலைவர் மு.க. ஸ்டாலின் ஆலோசனை நடத்தினார். அதைத்தொடர்ந்து மே 1-ம் தேதி முதல் 8-ம் தேதிவரை இந்த தொகுதிகளில் பிரசாரத்தை தொடங்க இருக்கிறார். மே-1 அன்று ஒட்டப்பிடாரத்தில் பிரசாரத்தை தொடங்குகிறார் என்பது குறிப்பிடத்தக்கது. 

முதற்கட்ட பிரசாரத்தை மே 1-ல் தொடங்கி 8-ம் தேதி அரவக்குறிச்சியில் நிறைவு செய்கிறார் மு.க. ஸ்டாலின்.