தலைமை செயலகத்தில் எடப்பாடி பழனிசாமி, சபாநாயகருடன் திடீர் சந்திப்பு 20 நிமிடம் ஆலோசனை
முதல்-அமைச்சர் எடப்பாடி பழனிசாமி நேற்று சென்னை தலைமை செயலகத்தில் சபாநாயகர் ப.தனபாலை திடீரென சந்தித்து ஆலோசனை நடத்தினார்.;
சென்னை,
அ.தி.மு.க.வைச் சேர்ந்த 18 எம்.எல்.ஏ.க்கள் டி.டி.வி.தினகரனுக்கு ஆதரவாக செயல்பட்டதால், தகுதி நீக்கம் செய்யப்பட்டுள்ளனர். இதைப்போல ரத்தினசபாபதி (அறந்தாங்கி), பிரபு (கள்ளக்குறிச்சி), கலைச்செல்வன் (விருத்தாசலம்) ஆகிய மேலும் 3 எம்.எல்.ஏ.க்களுக்கு டி.டி.வி.தினகரனின் அம்மா மக்கள் முன்னேற்றக் கழகத்தில் பதவி வழங்கப்பட்டுள்ளது.
இவ்வாறு டி.டி.வி. தினகரனுக்கு வெளிப்படையாகவே ஆதரவு அளித்து வரும் இந்த 3 எம்.எல்.ஏ.க்களிடமும் விளக்கம் கேட்டு அ.தி.மு.க. கட்சி தலைமை நோட்டீசு அனுப்பியது. ஆனால் அதற்கு அவர்கள் எந்த பதிலும் அளிக்கவில்லை.
எனவே சம்பந்தப்பட்ட 3 எம்.எல்.ஏ.க்களிடமும் உரிய விளக்கம் கேட்குமாறு அரசு கொறடா ராஜேந்திரன், சபாநாயகருக்கு பரிந்துரை செய்துள்ளார். அதில் “கட்சித்தாவல் தடை சட்டத்தின் கீழ் ஏன் நடவடிக்கை எடுக்கக்கூடாது? என விளக்கம் கேட்டு நோட்டீசு அனுப்ப வேண்டும்” என்று குறிப்பிட்டுள்ளார். அதன்படி இந்த 3 எம்.எல்.ஏ.க்களுக்கும் சபாநாயகர் விரைவில் நோட்டீசு அனுப்புவார் என எதிர்பார்க்கப்படுகிறது.
இந்த நிலையில் சென்னை தலைமைச் செயலகத்தில் உள்ள சபாநாயகரின் அறைக்கு, முதல்-அமைச்சர் எடப்பாடி பழனிசாமி நேற்று பகல் 1 மணி அளவில் திடீரென்று சென்றார். அங்கு சபாநாயகர் ப.தனபாலை சந்தித்து சுமார் 20 நிமிடம் ஆலோசனை நடத்தினார். பின்னர் முதல்-அமைச்சர் தன்னுடைய அறைக்கு சென்றார்.
இந்த சந்திப்பின் போது, டி.டி.வி.தினகரனுக்கு ஆதரவு அளித்து வரும் அந்த 3 எம்.எல்.ஏ.க்களுக்கு நோட்டீசு அனுப்புவது தொடர்பாக முதல்-அமைச்சர் எடப்பாடி பழனிசாமி, சபாநாயகரிடம் ஆலோசனை நடத்தியதாக தகவல் பரவியது. மேலும் 18 எம்.எல்.ஏ.க்கள் தகுதி நீக்க வழக்கில் 3-வது நீதிபதியின் தீர்ப்பு வெளியானபின் முதல் முறையாக சபாநாயகருடன் முதல்-அமைச்சர் ஆலோசனை நடத்தியது, தலைமை செயலக வட்டாரத்தில் பரபரப்பை ஏற்படுத்தியது.
எனினும், ‘முதல்-அமைச்சர் எடப்பாடி பழனிசாமி சபாநாயகர் ப.தனபாலுக்கு தீபாவளி வாழ்த்து சொல்வதற்காகவே, அவரது அறைக்கு சென்றார்’ என தலைமை செயலக அதிகாரிகள் தெரிவித்தனர். இதைப்போல 3 எம்.எல்.ஏ.க்களுக்கு நோட்டீசு அனுப்புவது குறித்து இதுவரை எந்த முடிவும் எடுக்கப்படவில்லை என்று சட்டசபை செயலக அதிகாரிகளும் கூறினர்.
அ.தி.மு.க.வைச் சேர்ந்த 18 எம்.எல்.ஏ.க்கள் டி.டி.வி.தினகரனுக்கு ஆதரவாக செயல்பட்டதால், தகுதி நீக்கம் செய்யப்பட்டுள்ளனர். இதைப்போல ரத்தினசபாபதி (அறந்தாங்கி), பிரபு (கள்ளக்குறிச்சி), கலைச்செல்வன் (விருத்தாசலம்) ஆகிய மேலும் 3 எம்.எல்.ஏ.க்களுக்கு டி.டி.வி.தினகரனின் அம்மா மக்கள் முன்னேற்றக் கழகத்தில் பதவி வழங்கப்பட்டுள்ளது.
இவ்வாறு டி.டி.வி. தினகரனுக்கு வெளிப்படையாகவே ஆதரவு அளித்து வரும் இந்த 3 எம்.எல்.ஏ.க்களிடமும் விளக்கம் கேட்டு அ.தி.மு.க. கட்சி தலைமை நோட்டீசு அனுப்பியது. ஆனால் அதற்கு அவர்கள் எந்த பதிலும் அளிக்கவில்லை.
எனவே சம்பந்தப்பட்ட 3 எம்.எல்.ஏ.க்களிடமும் உரிய விளக்கம் கேட்குமாறு அரசு கொறடா ராஜேந்திரன், சபாநாயகருக்கு பரிந்துரை செய்துள்ளார். அதில் “கட்சித்தாவல் தடை சட்டத்தின் கீழ் ஏன் நடவடிக்கை எடுக்கக்கூடாது? என விளக்கம் கேட்டு நோட்டீசு அனுப்ப வேண்டும்” என்று குறிப்பிட்டுள்ளார். அதன்படி இந்த 3 எம்.எல்.ஏ.க்களுக்கும் சபாநாயகர் விரைவில் நோட்டீசு அனுப்புவார் என எதிர்பார்க்கப்படுகிறது.
இந்த நிலையில் சென்னை தலைமைச் செயலகத்தில் உள்ள சபாநாயகரின் அறைக்கு, முதல்-அமைச்சர் எடப்பாடி பழனிசாமி நேற்று பகல் 1 மணி அளவில் திடீரென்று சென்றார். அங்கு சபாநாயகர் ப.தனபாலை சந்தித்து சுமார் 20 நிமிடம் ஆலோசனை நடத்தினார். பின்னர் முதல்-அமைச்சர் தன்னுடைய அறைக்கு சென்றார்.
இந்த சந்திப்பின் போது, டி.டி.வி.தினகரனுக்கு ஆதரவு அளித்து வரும் அந்த 3 எம்.எல்.ஏ.க்களுக்கு நோட்டீசு அனுப்புவது தொடர்பாக முதல்-அமைச்சர் எடப்பாடி பழனிசாமி, சபாநாயகரிடம் ஆலோசனை நடத்தியதாக தகவல் பரவியது. மேலும் 18 எம்.எல்.ஏ.க்கள் தகுதி நீக்க வழக்கில் 3-வது நீதிபதியின் தீர்ப்பு வெளியானபின் முதல் முறையாக சபாநாயகருடன் முதல்-அமைச்சர் ஆலோசனை நடத்தியது, தலைமை செயலக வட்டாரத்தில் பரபரப்பை ஏற்படுத்தியது.
எனினும், ‘முதல்-அமைச்சர் எடப்பாடி பழனிசாமி சபாநாயகர் ப.தனபாலுக்கு தீபாவளி வாழ்த்து சொல்வதற்காகவே, அவரது அறைக்கு சென்றார்’ என தலைமை செயலக அதிகாரிகள் தெரிவித்தனர். இதைப்போல 3 எம்.எல்.ஏ.க்களுக்கு நோட்டீசு அனுப்புவது குறித்து இதுவரை எந்த முடிவும் எடுக்கப்படவில்லை என்று சட்டசபை செயலக அதிகாரிகளும் கூறினர்.