ஆர்.கே.நகர் இடைத்தேர்தல்: நண்பகல் 1 மணி நிலவரப்படி 41.6 சதவீத வாக்குகள் பதிவு

ஆர்.கே.நகர்,

ஆர்.கே.நகர் இடைத்தேர்தலுக்கான வாக்கு பதிவு இன்று காலை 8 மணிக்கு தொடங்கி நடந்து வருகிறது.

வாக்காளர்கள் காலையிலேயே தங்களது வாக்குகளை பதிவு செய்வதற்காக வாக்கு சாவடிகளுக்கு முன் வரிசையாக நின்று தங்களது வாக்குகளை பதிவு செய்து வருகின்றனர்.  இந்த வாக்கு பதிவு மாலை 5 மணிவரை நடைபெறும்.  தேர்தலுக்காக 258 வாக்கு சாவடிகளில் வாக்கு பதிவு நடைபெறுகிறது.

வாக்கு பதிவு பற்றி ஒரு மணி நேரத்துக்கு ஒருமுறை தகவல் தெரிவிக்கப்படும் என தலைமை தேர்தல் அதிகாரி ராஜேஷ் லக்கானி தெரிவித்து உள்ளார்.

இந்த நிலையில், 9 மணியளவில் ஆர்.கே. நகரில் 7.32 சதவீத வாக்குகள் பதிவு ஆகியுள்ளன என தெரிவிக்கப்பட்டது.  தொடர்ந்து வாக்காளர்கள் வாக்களித்து வருகின்றனர்.

இந்நிலையில், 11 மணியளவில் 24.01 சதவீத வாக்குகளும், 12 மணியளவில் 26.05 சதவீத வாக்குகளும் மற்றும் நண்பகல் 1 மணி நிலவரப்படி 41.6 சதவீத வாக்குகளும் பதிவாகியுள்ளன.