ஆர்.கே.நகர் தொகுதியில் எடப்பாடி பழனிசாமி இன்று பிரசாரம் தொடங்குகிறார்

சென்னை,

ஆர்.கே.நகர் தொகுதிக்கு வரும் 21-ந்தேதி இடைத்தேர்தல் நடக்கிறது. இந்த தேர்தலில் அ.தி.மு.க. வேட்பாளராக மதுசூதனன், தி.மு.க. வேட்பாளராக மருதுகணேஷ், பா.ஜ.க. வேட்பாளராக கரு.நாகராஜன் ஆகியோர் போட்டியிடுகின்றனர். சுயேட்சை வேட்பாளராக சசிகலா உறவினர் டி.டி.வி. தினகரன் போட்டியிடுகிறார்.

அ.தி.மு.க. சார்பில் போட்டியிடும் மதுசூதனை ஆதரித்து முதல்-அமைச்சர் எடப்பாடி பழனிசாமி, துணை முதல்- அமைச்சர் ஓ.பன்னீர்செல்வம் மற்றும் அமைச்சர்கள் இன்று (வியாழக்கிழமை) முதல் பிரசாரம் மேற்கொள்ள உள்ளனர். இன்று காலை 9 மணிக்கு ஆர்.கே.நகரில் அ.தி.மு.க. தேர்தல் பணிமனையை முதல்- அமைச்சர் எடப்பாடி பழனிசாமி திறந்து வைக்கிறார்.

அதனை தொடர்ந்து தேர்தல் பிரசாரத்தில் எடப்பாடி பழனிசாமி ஈடுபட உள்ளார். ஆர்.கே.நகர் தொகுதி வாக்காளர்களை சந்தித்து அ.தி.மு.க. வேட்பாளருக்கு வாக்கு சேகரிக்கிறார். இதற்கான ஏற்பாடுகளை வட சென்னை அ.தி.மு.க. நிர்வாகிகள் செய்து வருகின்றனர்.