பிளஸ்-2 மாணவிகள் 2 பேர் மாயம்

திருக்கோவிலூர்:

திருக்கோவிலூர் அருகே உள்ள இளையனார்குப்பத்தை சேர்ந்தவர் ஏழுமலை மகள் தனலட்சுமி(வயது 17). இவர் எடுத்தனூர் கிராமத்தில் உள்ள அரசு மேல்நிலைப்பள்ளியில் பிளஸ்-2 படித்து வருகிறார். இவர், தனது உறவினர் வீட்டிற்கு செல்வதாக கூறிவிட்டு சென்றார். அதன்பிறகு அவர் வீட்டிற்கு வரவில்லை. பல இடங்களில் தேடிப்பார்த்தும் அவர் கிடைக்கவில்லை. இதுகுறித்து தனலட்சுமியின் தாய் வள்ளியம்மாள் கொடுத்த புகாரின் பேரில் மணலூர்பேட்டை போலீசார் வழக்குப்பதிவு செய்து விசாரணை நடத்தி வருகின்றனர்.

திருக்கோவிலூர் அருகே உள்ள துறிஞ்சிபட்டு கிராமத்தை சேர்ந்தவர் முகமது அலி. இவரது மகள் ஷாகிதாபானு(17). இவர் திருக்கோவிலூர் அங்கவை சங்கவை அரசு பெண்கள் மேல்நிலைப்பள்ளியில் பிளஸ்-2 படித்தார். சம்பவத்தன்று பள்ளிக்கு சென்றவர், மீண்டும் வீட்டிற்கு வரவில்லை. இது குறித்து முகமது அலி கொடுத்த புகாரின் பேரில் திருக்கோவிலூர் போலீசார் வழக்குப்பதிவு செய்து விசாரணை நடத்தி வருகின்றனர்.