ஓசூர்;-
ஓசூரில் வெவ்வேறு சாலை விபத்துகளில் 2 பேர் பலியானார்கள்.
வாலிபர்
கிருஷ்ணகிரி மாவட்டம் ஓசூர் பாகலூர் சாலையை சேர்ந்தவர் ரஞ்சித் (வயது 26). இவர் மோட்டார்சைக்கிளில் ஓசூர் - பாகலூர் சாலை வட்டார போக்குவரத்து அலுவலக சோதனைச்சாவடி அருகில் கடந்த 10-ந் தேதி மோட்டார்சைக்கிளில் சென்று கொண்டிருந்தார்.
அந்த வழியாக வந்த லாரி, மோட்டார்சைக்கிள் மீது மோதியது. இதில் பலத்த காயமடைந்த ரஞ்சித் சம்பவ இடத்திலேயே பலியானார். தகவல் அறிந்ததும் அட்கோ போலீசார் சம்பவ இடத்திற்கு சென்று பலியான ரஞ்சித்தின் உடலை மீட்டு பிரேத பரிசோதனைக்காக ஓசூர் அரசு ஆஸ்பத்திரிக்கு அனுப்பி வைத்து விசாரணை நடத்தி வருகிறார்கள்.
பெண்
திருப்பத்தூர் மாவட்டம் நத்தம் காலனியை சேர்ந்தவர் சித்ரா (56). இவர் ஓசூரில் பாஸ்கர்தாஸ் நகரில் குடியிருந்து வந்தார். இவர் கடந்த 10-ந் தேதி கிருஷ்ணகிரி - ஓசூர் தேசிய நெடுஞ்சாலையோரமாக நடந்து சென்று கொண்டிருந்தார்.
அந்த வழியாக மோட்டார்சைக்கிளில் சென்ற நபர், சித்ரா மீது மோதினார். இதில் பலத்த காயமடைந்த அவரை அருகில் இருந்தவர்கள் மீட்டு சிகிச்சைக்காக ஓசூர் அரசு ஆஸ்பத்திரியில் சேர்த்தனர். பின்னர் மேல் சிகிச்சைக்காக தர்மபுரி அரசு ஆஸ்பத்திரியில் அனுமதிக்கப்பட்ட சித்ரா, சிகிச்சை பலனின்றி இறந்தார். இது குறித்து ஓசூர் அட்கோ போலீசார் வழக்குப்பதிவு செய்து விசாரணை நடத்தி வருகிறார்கள்.