லாட்டரி சீட்டுகள் விற்ற 2 பேர் கைது

கடலூர் புதுநகர் போலீஸ் சப்-இன்ஸ்பெக்டர் கதிரவன் தலைமையிலான போலீசார் வண்ணாரப்பாளையம் பகுதியில் ரோந்து பணி மேற்கொண்டனர். அப்போது அங்கு முதியவர்கள் 2 பேர், அரசால் தடை செய்யப்பட்ட லாட்டரி சீட்டுகளை பதுக்கி வைத்து விற்பனை செய்து கொண்டிருந்தனர். இதை பார்த்த போலீசார் அவர்களை கையும் களவுமாக பிடித்து விசாரணை நடத்தினர்.

விசாரணையில் அவர்கள் ஆனைக்குப்பத்தை சேர்ந்த நீலகண்டன் (வயது 64), ராஜா (63) என்பது தெரியவந்தது. இதையடுத்து போலீசார் வழக்குப்பதிவு செய்து நீலகண்டன், ராஜா ஆகியோரை கைது செய்தனர். மேலும் அவர்களிடம் இருந்து 1,100 ரூபாய் மற்றும் லாட்டரி சீட்டுகள் பறிமுதல் செய்யப்பட்டது.