திரைப்பட இயக்குனர் கொலை வழக்கில் 2 முக்கிய குற்றவாளிகள் பிடிபட்டனர்

பெரம்பலூர் நகராட்சிக்குட்பட்ட அரணாரை அண்ணா தெருவை சேர்ந்த திரைப்பட இயக்குனர் அப்துல் ரகுமானை கொலை செய்த வழக்கில் பெரம்பலூர் போலீசார் வழக்குப்பதிவு செய்து ஏற்கனவே அபினாஷ், நவீன், பிரேம் ஆனந்த், அவரது மனைவி ரமணி, மற்றொரு நவீன், 17 வயதுடைய சிறுவன் மற்றும் ரேவதி, நித்யா ஆகியோரை கைது செய்தனர். மேலும் இந்த கொலை வழக்கு தொடர்பாக சரவணன், தன்ராஜ் ஆகிய 2 பேர் கோர்ட்டில் சரணடைந்தனர். இந்த நிலையில் திரைப்பட இயக்குனர் அப்துல் ரகுமான் கொலை வழக்கு தொடர்பாக தலைமறைவாக இருந்த முக்கிய குற்றவாளிகள் 2 பேரை தனிப்படை போலீசார் நேற்று பிடித்து வந்தனர். அவர்களிடம் பெரம்பலூர் போலீசார் தொடர்ந்து விசாரணை நடத்தி வருகின்றனர்.