வாலிபரை தாக்கிய 2 பேர் கைது

கடலூர் முதுநகர், 

கடலூர் முதுநகர் சிவானந்தபுரத்தை சேர்ந்தவர் அண்ணாதுரை மகன் ராகுல் (வயது 22). இவருடைய நண்பர்கள் அக்கரைகோரியை சேர்ந்த ஜெய்சங்கர் மகன் திவாகர் (20), கலியபெருமாள் மகன்கள் ஜீவன் (21), அழகுமுருகன், சோணங்குப்பத்தை சேர்ந்த சக்திவேல் மகன் ரவீன் (22). இவர்கள் அனைவரும் புதுச்சேரியில் உள்ள ஒரு மதுகடைக்கு சென்று மது குடித்ததாக கூறப்படுகிறது. அப்போது அவர்களுக்கு இடையே தகராறு ஏற்பட்டது. இதனால் ராகுலுக்கும், அவரது நண்பர்களுக்கும் இடையே முன்விரோதம் இருந்து வந்தது. இந்த நிலையில் ராகுல் தனது வீட்டில் இருந்தார். அப்போது அங்கு சென்ற திவாகர், ரவீன், ஜீவன், அழகு முருகன் ஆகியோர் ராகுலை திட்டி தாக்கியதோடு, விட்டில் இருந்த பொருட்களையும் அடித்து சேதப்படுத்தியதாக கூறப்படுகிறது. .இது குறித்த புகாரின் பேரில், கடலூர் முதுநகர் போலீசார் வழக்குப்பதிவு செய்து திவாகர், ஜீவன் ஆகியோரை கைது செய்தனர். மற்ற 2 பேரை தேடி வருகின்றனர்.