கொங்கணாபுரத்தில் ரூ.1¼ கோடிக்கு பருத்தி ஏலம்

எடப்பாடி:-

கொங்கணாபுரம் பகுதியில் செயல்பட்டு வரும் கூட்டுறவு வேளாண் விற்பனை சங்கத்தில் நேற்று பருத்தி ஏலம் நடைபெற்றது. விவசாயிகள் விற்பனைக்காக கொண்டு வந்திருந்த 4 ஆயிரத்து 850 பருத்தி மூட்டைகள் 1,020 லாட்டுகளாக பிரிக்கப்பட்டு, கூட்டுறவு அலுவலர்கள் முன்னிலையில் பொது ஏலம் விடப்பட்டது. இதில் பி.டி. ரக பருத்தி குவிண்டால் ரூ.7 ஆயிரத்து 466 முதல் ரூ.8 ஆயிரத்து 779 வரையும், டி.சி.எச். ரக பருத்தியானது குவிண்டால் ரூ.7 ஆயிரத:து 300 முதல் ரூ.8 ஆயிரத்து 599 வரையும், கொட்டு ரக பருத்தி குவிண்டால் ரூ.3 ஆயிரத்து 500 முதல் ரூ.6 ஆயிரத்து 250 வரையும் விற்பனையானது. இதில் 4 ஆயிரத்து 850 மூட்டை பருத்தி ரூ.1 கோடியே 30 லட்சத்துக்கு ஏலம் போனது.