ரூ.10 ஆயிரம் லஞ்சம் வாங்கிய போலீஸ்காரர் கைது

அவுரங்காபாத், 

அவுரங்காபாத் தவுலாபாத் போலீஸ் நிலையத்தில் பெண் போலீஸ் இன்ஸ்பெக்டர் சுனிதா மிசல் மற்றும் போலீஸ்காரர் ரஞ்சித் ஆகிய 2 பேர் வியாபாரிடம் குட்கா விற்பனை செய்யவும், போக்குவரத்திற்கு அனுமதி அளிக்கவும் ரூ.24 ஆயிரம் லஞ்சம் தரும்படி கேட்டனர். மேலும் போலீஸ்காரர் தனக்கு தனியாக ரூ.2 ஆயிரம் தரும்படி கூறினார். இதற்கு வியாபாரி நடத்திய பேரத்தில் முதற்கட்டமாக ரூ.10 ஆயிரம் தருவதாக ஒப்புக்கொண்டார். இது பற்றி லஞ்ச ஒழிப்பு போலீசில் புகார் அளித்தார்.

போலீசார் யோசனைப்படி லஞ்சப்பணத்தை போலீஸ் நிலையத்திற்கு வியாபாரி கொண்டு சென்றார். போலீஸ்காரர் ரஞ்சித்திடம் கொடுத்த போது  மறைந்து இருந்த லஞ்ச ஒழிப்பு போலீசார் அவரை கையும், களவுமாக பிடித்து கைது செய்தனர். மேலும் போலீ்ஸ்காரர் ரஞ்சித் மறறும் பெண் போலீஸ் இன்ஸ்பெக்டர் சுனிதா மிசல் மீது வழக்கு பதிவு செய்து விசாரணை நடத்தி வருகின்றனர்.