மணிப்பூா் தொடங்கியது லில்லி திருவிழா: கவர்னர் இல.கணேசன் தொடங்கி வைத்தாா்

இம்பால்,

மணிப்பூரின் உக்ருல் மாவட்டத்தில் உள்ள ஷிருய் கிராமத்தில் மாநில அளவிலான ஷிருய் லில்லி திருவிழாவின் 4-வது பதிப்பு தொடங்கியது. இந்த விழாவை மணிப்பூா் மாநில கவர்னர் இல.கணேசன் தொடங்கி வைத்தாா். அதில் மணிப்பூா் முதல்-அமைச்சா் என்.பிரேன் சிங் கலந்து கொண்டாா்.

கொரோனா பரவல் காரணமாக இரண்டு வருட இடைவெளிக்குப் பிறகு லில்லி திருவிழா தற்போதுதான் நடைபெறுகிறது. சுற்றுலாத்துறை சாா்பாக நடைபெறும் இந்த திருவிழாவானது தொடா்ந்து நான்கு நாட்கள் நடைபெற உள்ளது.

விழாவை தொடங்கி வைத்து கவர்னர் இல.கணேசன் பேசும் போது, அரிய வகை மலரான ஷிருய் மலா் பற்றிய விழிப்புணா்வை ஏற்படுத்தவும், மணிப்பூரில் சுற்றுலாவை ஊக்குவிக்கவும் இந்த திருவிழா நடைபெறுகிறது என்றாா். மேலும், இந்த திருவிழாவின் போது பாரம்பரிய இசை, உணவு மற்றும் விளையாட்டுகள் காட்சிபடுத்தப்பட உள்ளன.

ஷிருய் லில்லி மே மாத இறுதியில் இருந்து ஜூன் மாத தொடக்கத்தில் ஷிருய் கிராமத்தின் மலை உச்சியில் மட்டுமே பூக்கும் என்பது குறிப்பிடத்தக்கது.