கர்நாடகத்தில் புதிதாக 171 பேருக்கு கொரோனா

பெங்களூரு,

கர்நாடகத்தில் இன்று 20 ஆயிரத்து 143 பரிசோதனைகள் மேற்கொள்ளப்பட்டன. இதில் 171 பேருக்கு கொரோனா பாதிப்பு உறுதி செய்யப்பட்டுள்ளது. இதில் பெங்களூரு நகரில் 161 பேருக்கும், தட்சிண கன்னடாவில் 3 பேருக்கும், பெங்களூரு புறநகரில் 2 பேருக்கும், சித்ரதுர்கா, உத்தரகன்னடா, தாவணகெரேயில் தலா ஒருவருக்கும் வைரஸ் தொற்று ஏற்பட்டுள்ளது. ஒரே நாளில் 121 பேர் குணம் அடைந்தனர். 1,827 பேர் மருத்துவ சிகிச்சையில் உள்ளனர். இந்த தகவலை சுகாதாரத்துறை வெளியிட்டுள்ளது.