இந்தியாவில் 71 பேருக்கு கொரோனா
24 மணி நேரத்தில் தொற்றில் இருந்து 68 பேர் குணமடைந்தனர்.
புதுடெல்லி,
நாட்டில் நேற்று முன்தினம் 66 பேருக்கு கொரோனா பாதிப்பு ஏற்பட்டது. நேற்று 71 பேருக்கு தொற்று உறுதி செய்யப்பட்டது. இதுவரை கொரோனாவுக்கு ஆளானவர்கள் மொத்த எண்ணிக்கை 4 கோடியே 49 லட்சத்து 97 ஆயிரத்து 537 ஆக உயர்ந்தது.
24 மணி நேரத்தில் தொற்றில் இருந்து 68 பேர் குணமடைந்தனர். இதுவரை மொத்தம் 4 கோடியே 44 லட்சத்து 65 ஆயிரத்து 19 பேர் குணமடைந்துள்ளனர்.
கொரோனா சிகிச்சை பெறுவோர் எண்ணிக்கையில் 3 அதிகரித்தது. மொத்தம் 494 பேர் சிகிச்சை பெற்று வருகிறார்கள்.
நேற்று முன்தினம் ஒருவர் பலியான நிலையில், நேற்று உயிரிழப்பு இல்லை. மொத்த பலி எண்ணிக்கை 5 லட்சத்து 32 ஆயிரத்து 24 ஆக நீடிக்கிறது.