செப்டம்பர் 6 ஆம் தேதி முதல் சிம்லா-டெல்லி இடையிலான விமான சேவை தொடக்கம்

மும்பை,

டெல்லி- சிம்லாவிற்கு விமான சேவையை மீண்டும் தொடங்க உள்ளதாக அலையன்ஸ் ஏர் நிறுவனம் தெரிவித்துள்ளது.

சுற்றுலாவுக்கு ஊக்கமளிக்கும் வகையில், அரசுக்கு சொந்தமான அலையன்ஸ் ஏர் நிறுவனம் இரண்டு ஆண்டுகளுக்குப் பிறகு செப்டம்பர் 6 முதல் டெல்லி-சிம்லா வழித்தடத்தில் விமானச் செயல்பாடுகளை மீண்டும் தொடங்க உள்ளது.

இந்த விமானம் டெல்லியில் இருந்து காலை 6.25 மணிக்கு புறப்பட்டு 7.35 மணிக்கு சிம்லா சென்றடையும். திரும்பும் விமானம் காலை 8 மணிக்கு புறப்பட்டு 9.10 மணிக்கு டெல்லியில் தரையிறங்கும். டெல்லி-சிம்லா மற்றும் சிம்லா-டெல்லிக்கு அறிமுகம் அனைத்தையும் உள்ளடக்கிய கட்டணம் ரூ.2,480 ஆக இருக்கும்.

டெல்லி-சிம்லா-டெல்லி வழித்தடங்களில் விமானங்கள் வாரத்தில் ஏழு நாட்களும், சிம்லா-குலு-சிம்லா இடையே வாரத்திற்கு நான்கு முறையும், தர்மசலா-சிம்லா இடையே வாரத்திற்கு மூன்று முறையும் இயக்கப்படும் என்று தெரிவிக்கப்பட்டுள்ளது.